HTI Events


دروستکردنی سایتی پەیمانگا بۆ کارئاسانی ئیش وکارەکانی خویندکاران ...

posted Jul 9, 2019, 11:57 PM by media hti   [ updated Aug 17, 2019, 11:00 PM by Bilal M Saed ]

بەسەر پەرشتی یاریدەدەری ڕاگر م.دیارکریم سەرۆکی لیژنەی تاقیکردنەوەکان و م.بیلال محمد دیزاینەرو پرۆگرامێستی وێب سایتى پەیمانگا بۆ کارئاسانی سەرجەم خوێندکارانی پەیمانگاکەمان و وەرگرتنەوەی نمرەکانیان لە ڕیگەی ئۆنلاینەوە هەستان بەدروستکردنى وێب سایتێک بۆ ئەومەبەستە, بۆ یەکەم جار بۆ ساڵى خوێندنى ٢٠١٧ _ ٢٠١٨ وەک تێست تەنها لە بەشى کارگێرى کار جێبەجێ کراو پڕۆژەکە سەرکەوتوبو بۆیە بۆ ئەم ساڵى خوێندى ٢٠١٨ _٢٠١٩ لە سەرجەم بەشەکانى پەیمانگادا جێبەجێکرا و خوێنکاران لەرێگەی کۆدی تایبەت بەخۆیانەوە ئەنجام و تانەکانیان وەرگرتەوە ، هەروەها پرۆسەی دڵنیای جۆری (فیدباک ) بۆ ئەم ساڵى خوێندن لە ڕێگەی هەمان وێب سایتەوە بەسەرکەوتوی ئەنجام درا و وە خوێندکاران سودمەند بون لەم پرۆژەیە و دڵخۆشن بە سەرکەوتنی پرۆژەکە.















کردنەوەى خولی بەهێزکردن و ڕاهێنانی بەرنامەکانى مایکرۆسۆفت ئۆفیس لە پەیمانگاکەمان بەسەرپەرستی هۆبەی IT و کتێبخانەی ئەلیکترۆنی

posted Jul 1, 2019, 11:20 AM by media hti   [ updated Jul 2, 2019, 1:11 AM by Bilal M Saed ]


هۆبەی IT و کتێبخانەی ئەلیکترۆنی
بەسەرپەرستی هۆبەی IT و کتێبخانەی ئەلیکترۆنی پەیمانگاکەمان لەدووەم ڕۆژی خولی بەهێزکردن و ڕاهێنانی کۆمپوتەری بۆ بەرنامە کانی (word -access-Excel ) بەئامادە بونی بەڕێز د.کارزان عبدالله ڕاگری پەیمانگای تەکنیکی هەلەبجە بەریوە چوو کە بۆ سەرجەم فەرمانبەرانی بەش و هۆ بەکانی پەیمانگا کرابویەوە خولەکە لە لایەن ( م.فاحر عبدالله ، م. بیلال محمد ) دەوترێتەوە .


هۆبەى IT و کتێبخانەى ئەلیکترۆنى

بەڕێز پ.ی.د. ئالان فەرەیدون سەرۆکی زانکۆی پۆلیتەکنیکی سلێمانی سەردانی کەمپی پەیمانگای تەکنیکی هەڵەبجە و کۆلێژی زانستە پڕاکتیکیەکانی هەڵەبجەی کرد

posted Jul 1, 2019, 12:24 AM by Jamal Kakbra   [ updated Jul 1, 2019, 11:54 PM by Bilal M Saed ]

ئەمڕۆ یەکشەممە بەرواری ۲۸/۱٠/۲٠۱۸ بەڕێز پ.ی.د. ئالان فەرەیدون سەرۆکی زانکۆی پۆلیتەکنیکی سلێمانی سەردانی کەمپی پەیمانگای تەکنیکی هەڵەبجە و کۆلێژی زانستە پڕاکتیکیەکانی هەڵەبجەی کرد و لەلایەن ڕاگرایەتی پەیمانگا و کۆلێژ و مامۆستا و فەرمەنبەران و خوێنکارانەوە بە گەرمی پێشوازی لێکرا. پاشان لە کۆبونەوەیەکی فراواندا لەگەڵ ڕاگرایەتی و مامۆستایاندا، بەڕێز د. کارزان عبداللە محمد بەخێرهاتنی سەرۆکی زانکۆی کرد و سوپاسی پشتیوانی و بەدەمەوەهاتنی بەردەوامی بەڕێزیانی کرد بۆ سەرجەم ئەو کێشەو گرفتانەی کە ڕوبەڕوی کەمپی زانکۆ لە هەڵەبجە دەبنەوە.

دواتر بەڕێز سەرۆکی زانکۆ لە ووتەیەکدا پیرۆزبایی لە ڕاگری نوێی کۆلێژ و پەیمانگا بەڕێز د. کارزان عبداللە محمد کرد و پشتیوانی خۆی و زانکۆی پۆلیتەکنیکی بۆ دەربڕی و هیوای سەرکەوتنی بۆ خواست لە ئەرکەکەیدا.

پاشان بەڕێز سەرۆکی زانکۆ تیشکی خستە سەر پلانی فراوانی زانکۆ بۆ زیاتر گەشەسەندن و پێشخستنی زانکۆ کە لەو چوارچێوەیەشدا کەمپی هەڵەبجەی زانکۆ گرنگی و بایەخی زۆری پێدراوە و پلانی کورتخایەن و دور مەودای زانکۆی باسکرد بۆ ئامادەبوان بە مەبەستی فراوانکردن و زیاتر پێشخستنی کەمپی زانکۆ لە هەڵەبجە و بۆ ئەو مەبەستەش پلانی گونجاو دانراوە و لەداهاتودا دەست بە جێبەجێکردنیان دەکرێت.

دواتر بەڕێز سەرۆکی زانکۆ گوێبیستی ووتە و پێشنیار و داواکاری ئەنجومەن و مامۆستا و فەرمانبەران بو و بەڵێنی چارەسەری کێشە و گیروگرفتەکانی کەمپی هەڵەبجەی زانکۆی دا و لەکۆتایی سەردانەکەشیدا چەند بەش و هۆبەیەکی کۆلێژ و پەیمانگای بەسەرکردەوە و کۆتایی بەسەردانەکەی هێنا.

1-3 of 3